FBV24 | Við Tjarnir 28. februar 2025

28. februar 2025 vórðu Føroya bestu vørumerki kosin fyri fyrstu ferð. Í framúrskarandi kørmum Við Tjarnir heiðraðu vit trý framúrskarandi vørumerki, sum hava vunnið eitt heilt serligt pláss í okkara hugaheimi.

Tryggja tær pláss til FBV24

Fyrilestrar, íblástur, heiðurslønir, netverkan, bløðrur & bitar

Á tiltakinum kjósa og heiðra vit Føroya bestu vørumerki í trimum flokkum, spennandi fyrilestrar vera við altjóða og heimligum branding serfrøðingum umframt sofaprát um branding. Eisini bjóða vit okkurt gott í glasið og leskiligt ábit og møguleiki verður at síggja stásiligu stórhøllina Við Tjarnir. Ein einastandandi møguleiki at fáa íblástur frá bestu føroysku vørumerkjum og dugnaligum serfrøðingum og at hitta onnur við brennandi áhuga fyri branding og starvsfólkabranding.

Tiltakið er ætlað øllum sum fáast við branding, marknaðarføring, sølu, kundatænastu, vørumenning, HR, starvsfólkabranding og leiðslu og menning av fyritøkum og vørumerkjum sum heild.

Kl. 13:00 – Vælkomin. Vit bjóða okkurt leskiligt og tit kunnu uppliva stásligu stórhøllina og vakra útsýnið
Kl. 13:30 – Fyrilestrar
Kl. 14:40 - Støðgur

Kl 15:00 - Sofaprát um branding

Kl. 15:30 - Føroya bestu vørumerki 2024 verða kosin og prát við vinnararnar

Kl. 16:00 - Liðugt

Keyp atgongumerki

Fyrilestrar

Branding á botnlinjuni
Dr. Fridrik Larsen, brandr Global

Eitt sterkt vørumerki økir virðið hjá fyritøkuni og sæst beinleiðis aftur á botnlinjuni. Branding skapar álit og kundatrúfesti, sum kann geva fyritøkuni størri inntøkur og lægri marknaðarkostnaðir. Eitt sterkt vørumerki ger eisini fyritøkuna meira spennandi hjá bæði starvsfólkum og íleggjarum. Í síðsta enda er branding ein strategisk íløga, sum styrkir fíggjarligu úrslitini og skapar ein varandi kappingarfyrimun.

Vørumerki eru mest týðandi immateriellu ognir hjá fyritøkum. Kortini vera tey ikki altíð handfarin samsvarandi hesum. Í síni framløgu tosar Friðrik Larsen út frá sínum drúgvu royndum úr vinnulívinum og egnari gransking um, hví tað er umráðandi, at branding eigur fast pláss á dagsskránni hjá bæði stjórum og fíggjarleiðarum.

Friðrik Larsen hevur kandidatútbúgving í sálarfrøði og búskaparfrøði, masterútbúgving í marknaðarføring og er harumframt doktari í branding. Umframt at vera stovnari av Brandr er hann adjunktur á Háskóla Islands, har hann undirvísir í marknaðarlærugreinum.

Starvsfólkabranding: Lykilin til bestu førleikarnar

Rúna Niclasardóttir Rasmussen, marknaðarleiðari & Investor Relations hjá Føroya Banka

Í dagsins samfelag eru tað ikki longur løn og tryggleiki, ið telja mest. Starvsfólk hava alsamt størri og fjølbroyttari væntanir til arbeiðsplássið, og hesum mugu arbeiðspláss leggja upp fyri, um tey vilja hava røttu fólkini.

Starvsfólkabranding er lykilin til at draga til sín og varðveita tey røttu starvsfólkini. Eitt sterkt starvsfólkabrand skapar trúskap mótvegis arbeiðsplássinum, styrkir umdømið og skapar eina sterka atdráttarmegi. Og tey bestu starvsfólkini eru avgerandi fyri menning og kappingarføri hjá eini og hvørjari fyritøku.

Rúna Niclasardóttir Rasmussen er útbúgvin innan samskifti og er marknaðarleiðari í Føroya Banka-samtakinum við ábyrgd av samskifti, marknaðarføring, Investor Relations og burðardygd.

Úrslit við greiðari visjón

Óttar Örn Sigurbergsson, stjóri hjá Elko

Hvussu kundu strategi og íverksetan broyta mentanina og atferðina hjá ELKO, ið er marknaðarleiðari innan elektronikk í Íslandi?

Hoyr Óttar Örn Sigurbergsson fortelja um spennandi ferðina hjá ELKO og um, hvussu ELKO megnaði at røkka síni visjón um at hava glaðastu kundar í Íslandi.
ELKO setti sær eina greiða strategi við eini 5-ára framtíðarvisjón. Tilgongdin fevndi um allan starvsfólkahópin og førdi til týðandi broytingar í felagnum, sum lyftu tøl og úrslit upp á eitt heilt nýtt støði.

Óttar Örn Sigurbergsson byrjaði í ELKO í 2004 sum sølufólk og hevur síðani flutt seg frá innkeypi til sølustýring og leiðslu til hann í 2022 tók við sum stjóri í felagnum. Við sínum drúgvu royndum í øllum liðum av virkseminum hevur hann havt ein týðandi leiklut í strategisku menningini hjá ELKO.