FBV25

27. februar 2026 verða Føroya bestu vørumerki kosin fyri aðru ferð. Tá heiðra vit fýra framúrskarandi vørumerki, sum hava vunnið eitt heilt serligt pláss í okkara hugaheimi.

Early bird:

Keyp áðrenn 1. desembur og spar 20%

FBV25 er ein einastandandi møguleiki at fáa íblástur frá bestu føroysku vørumerkjunum og lærdóm og innlit frá dugnaligum branding serfrøðingum. Harumframt er tað eitt gott høvi til netverkan og hugnaliga samveru við onnur við brennandi áhuga fyri branding og starvsfólkabranding.

Á tiltakinum kjósa og heiðra vit Føroya bestu vørumerki í fýra flokkum, spennandi fyrilestrar vera við altjóða og heimligum branding serfrøðingum umframt sofaprát og kjak um branding. Tiltakið endar við einum brandgóðum fimmara – sum eisini kann vera startskotið til eitt hugnaligt kvøld við saman við tínum starvsfelagum.

Tiltakið er ætlað øllum sum fáast við branding, marknaðarføring, sølu, kundatænastu, vørumenning, HR, starvsfólkabranding, leiðslu og menning av fyritøkum og vørumerkjum sum heild.

Fyrilestur

Frá kundum til fjepparar
- branding í fótbóltsheiminum

Meinhard Mikladal, Chelsea FC

Ítróttin og fótbóltsheimurin hava eina savningarmegi, sum flestu vørumerki bara kunnu droyma um: Trúgv viðhaldsfólk, sum við hjartanum fylgja sínum felag í viðgangi og mótgangi. Men heimurin broytist skjótt. Við nýggjum ættarliðum og tøkniligum broytingum broytast krøvini frá fjepparum. Ítróttarfeløg, eins og onnur vørumerki, mugu finna nýggjar hættir at halda seg viðkomandi.

Í fyrilestrinum varpar Meinhard Mikladal ljós á, hvussu ítrótt, mentan og snið renna saman og skapa nýggj vørumerkjarák. Hann gevur innlit í leiklutin hjá sniðgeving innan ítróttarbranding og hvussu emotionella tilknýtið verður lyft upp á hægsta stig.

Hetta gevur eisini íblástur til føroyskar fyritøkur og vørumerki til, hvussu man kann byggja sterkar felagsskapir og tilknýti til sínar kundar, sum røkkur langt út um sjálva vøruna ella tænastuna.

Ein inspirerandi ferð gjøgnum branding, design og ítrótt, har brandið veruliga skorar.

Meinhard Mikladal er Creative Lead Sponsorship hjá Chelsea FC og hevur drúgvar royndir við at byggja samleikar og lýsingaátøk í ítróttarheiminum. Síðani hann byrjaði sum sniðgevi hjá The Football Association á Wembley Stadium í 2010, hevur hann arbeitt við nøkrum av størstu nøvnunum innan altjóða ítrótt: FIFA, UEFA, IOC, Chelsea FC, Manchester City, Arsenal FC, FC Basel, Schalke 04, West Ham, LTA, The Open og Laureus World Sports Awards – fyri bara at nevna nøkur.

Fyrilestur

Kann tað mátast, kann tað stýrast – kenn virðið á tínum vørumerki

Dr. Thorlakur Karlsson, Brandr Iceland

Í vinnulívinum er tað ein sannroynd, at tað, sum ikki kann mátast, kann heldur ikki stýrast – og tað er eisini galdandi fyri títt vørumerki.

Í hesi tankavekjandi framløguni avdúkar Thorlakur Karlsson frá brandr Iceland, hví tað er eins týdningarmikið at skilja veruliga virðið á tínum vørumerki sum at skilja fíggjarligu úrslitini. Hann greiðir frá Brandr Vísitalinum, eitt sterkt amboð til at máta, hvussu kundar og brúkarar veruliga fata títt vørumerki, og hann lýsir, hvussu hesi innlit kunnu skapa eina betri strategi og betri úrslit.

Síðani vendir Thorlakur sjóneykuna inneftir við Brandr Starvsfólkavísitalinum og vísir, hvussu vørumerkjasamleikin millum starvsfólk ávirkar mentan, trúskap og – ikki minst – rekruttering. Eitt sterkt starvsfólkabrand dregur tey bestu starvsfólkini til sín, eitt veikt styggir tey burtur.

Dr. Thorlakur Karlsson er granskari hjá Brandr Iceland. Við Ph.D. í sálarfrøði og hagfrøði hevur hann fleiri áratíggju av royndum innan marknaðarføring, branding og HR ráðgeving. Thorlakur hevur eisini verið lektari á bæði Háskóla Íslands og Háskólinn í Reykjavík. Hansara arbeiði knýtir saman dátur og innlit og hjálpir fyritøkum at skilja, hvussu fólk hugsa, kenna og knýta seg at vørumerkjum, bæði innan- og uttanífrá.

Fyrilestur

Frá lokalum veitara til leiðandi vørumerki
- hvussu Blue Car Rental yvirhálaði marknaðin

Þorsteinn Þorsteinsson, Blue Car Rental

Tað er alt ov vanligt bara at vera enn ein veitari á einum kappingarmerktum marknaði. Tí valdi Þorsteinn Þorsteinsson at fara aðrar leiðir við Blue Car Rental. Í síni framløgu gevur Þorsteinn okkum innlít í, hvussu Blue Car Rental mentist frá at "bara" vera ein lokalur leikari til at gerast eitt leiðandi vørumerki á íslendska bilaleigumarknaðinum.

Fyrilesturin lýsir strategiina handan menningina av einum sterkum vørumerkjasamleika, at varðveita ein sterkan samanhang og at fremja burðardyggan vøkstur, uttan at vera bundin at einum dýrkandi søluliði av endurseljarum. Eitt hugskot, ið gjørdist til eina visjón, ið gjørdist til eina strategi, ið var framd við einum álítandi og trúverdigum vørumerki.

Þorsteinn Þorsteinsson er partaeigari og stjóri í Blue Car Rental síðani 2014.
Hann hevur MBA-prógv í vinnubúskapi frá Háskólanum í Reykjavík og tíggju ára royndir í at menna fyritøkur og byggja álítandi vørumerki. Hann er eisini íleggjari og partaeigari í fleiri fyritøkum innan KT, ferðavinnu o.a.

Early bird:

Keyp áðrenn 1. desembur og spar 20%

Keyp atgongumerki

Sofaprát

Spennandi og royndir serfrøðingar innan branding og starvsfólkabranding fara at siga frá sínum royndum og kjakast eitt nú um samanhangin millum branding og starvsfólkabranding og aðrar spennandi spurningar. Lagt verður upp til gott kjak og viðmerkingar frá áhoyrarum.

Skál fyri Føroya bestu vørumerkjum!

Vikuskiftið byrjar við einum festligum fimmara á Hilton Garden Inn. So kunnu vit enda dagin í hugnaligari samveru og tey, sum ynskja meira ella hava okkurt at feira, kunnu halda áfram saman við sínum starvsfeløgum.

Lat bilin standa
Ókeypis bussur koyrir oman á Hilton, har vit bjóða eitt glas við onkrum góðum at skála við!

Sertilboð til tey festligu

Matstovan hevur leskilig sertilboð til allar FBV25 gestir, sum ynskja eitt festligt kvøld. Meiri kunning kemur ...

Early bird:

Keyp áðrenn 1. desembur og spar 20%

Keyp atgongumerki

Viðurkenningar verða latnar í fýra flokkum

4.

Starvsfólkabrand

Almenn ella privat arbeiðspláss við 10 ella fleiri starvsfólkum.

3.

Einstaklingamarknaður

Starvsfólk 25+

Allar fyritøkur við 25 ella fleiri starvsfólkum, sum selja privatbrúkarum vørur og tænastur.

2.

Einstaklingamarknaður

Starvsfólk -24

Allar fyritøkur við 24 ella færri starvsfólkum, sum selja privatbrúkarum vørur og tænastur.

1.

Fyritøkumarknaður

Allar fyritøkur, sum selja øðrum fyritøkum vørur og tænastur.

Dómsnevndin fyri FBV25

Her sært tú tey framúrskarandi fólkini, sum sita í dómsnevndini fyri Føroya bestu vørumerki 2025, sum hevur til uppgávu at velja út og tilnevna Føroya sterkastu vørumerki og starvsfólkabrand.